Česta tema rasprave je koliko često treba da se pere pidžama.
Neki svoju peru svako veče, neki svaka tri dana, a neki nakon nedjelju nošenja. Vlasnica brenda pidžama odlučila je da stane na kraj dilemi i da podijeli svoje stručno mišljenje.
Dakle, Kejt Barnet, preduzetnica specijalizovana za noćnu odjeću, otkrila je da je čula prilično neobične odgovore na ovo pitanje – od onih koji pidžamu mijenjaju svakodnevno do ljudi koji u istom kompletu spavaju i do 18 dana. A evo koliko često zapravo treba da se pere pidžama.
U objavi na svom TikTok profilu objasnila je da ne postoji jedno pravilo za sve, već da učestalost pranja zavisi od više faktora.
Zlatno pravilo za pranje pidžame
Ako nosite donji veš ispod pidžame – to je, kako kaže, “još jedna velika rasprava”.
Od čega je pidžama napravljena, takođe, jer materijal igra ključnu ulogu. Naime, pamuk je prozračan i manje zadržava znoj, pa ostaje duže čistiji.
Ako se tuširate prije spavanja, možete da je nosite duže bez pranja.
A prema njenim riječima, zlatno pravilo je da se pere pidžama svaka 3-4 dana, kako bi ostala svježa i higijenska.
Njen savjet je pokrenuo pravu lavinu komentara na TikTok. Jedni su priznali da mijenjaju pidžamu svaki dan, dok su drugi otkrili da im isti komplet traje i do nedjelju.
– Tuširam se svake večeri, mijenjam pamučnu pidžamu svaka dva dana i ne nosim donji veš – napisao je jedan korisnik.
– Ja se tuširam svaka dva dana – tada i mijenjam pidžamu – dodao je drugi.
